Халқ депутатлари Учкўприк тумани Кенгашининг навбатдаги ўн олтинчи сессияси бўлиб ўтди. Унда Халқ депутатлари туман Кенгаши депутатлари, туман ҳокимининг ўринбосарлари, кун тартибидаги масалаларга алоқадор давлат ва жамоат ташкилотлари вакиллари иштирок этди. Сессия ишида 2025 йилнинг июль ойи мобайнида Учкўприк туманида ёшларнинг муаммоларини ўрганиш ва қўллаб-қувватлаш мақсадида ўтказилган учрашув ҳамда мулоқотларда ёшлар томонидан кўтарилган муаммо ва таклифлар юзасидан тасдиқланган чора-тадбирлар ижроси тўғрисида; 2025 йилнинг иккинчи чорагида Учкўприк тумани Санитария-эпидемиологик осойишталик ва жамоат саломатлиги хизмати бўлими томонидан амалга оширилган ишлар тўғрисида; 2025 йилнинг иккинчи чорагида Учкўприк туманида ичимлик суви таъминотини янада яхшилаш борасида амалга оширилган ишлар тўғрисида; 2025 йилнинг иккинчи чорагида Учкўприк туманида электр энергияси таъминотини яхшилаш борасида амалга оширилган ишлар тўғрисида; 2025 йилнинг иккинчи чораги мобайнида Учкўприк туманида табиий ва суюлтирилган газ таъминотини яхшилаш борасида олиб борилган ишлар тўғрисидаги ва бошқа масалалар кўриб чиқилди. Сессия якунида кўриб чиқилган масалалар юзасидан Халқ депутатлари туман Кенгашининг тегишли қарорлари қабул қилинди.