Учкўприк тумани ҳокими Қодиржон Эркабоев иштирокида аҳоли билан тўғридан-тўғри мулоқот қилиш, уларни қийнаб келаётган муаммоларни аниқлаш ва ҳал этиш мақсадида навбатдаги фуқаролар қабули ўтказилди. Қабулда туман прокурори Ўктамжон Йўлчиев, ички ишлар бўлими бошлиғи Илҳомжон Ишанкулов, ҳоким ўринбосарлари, масъул ташкилот ва муассасалар вакиллари ҳам иштирок этди. Қабул давомида 31 нафар фуқаро томонидан ижтимоий-иқтисодий, коммунал соҳалар ва маҳалла инфратузилмасини яхшилаш каби масалаларга оид таклиф ва мурожаатлар билдирилди. Муаммоларнинг аксариятига қабул чоғида ижобий ечим топилди. Ижроси маълум муддат ва қўшимча ўрганишни талаб қиладиган мурожаатлар мутасадди раҳбарларга бириктирилди.