Учкўприк тумани маданият марказида “Ватан учун, миллат учун, халқ учун!” шиори остида умуммиллий бирдамлик фестивали бўлиб ўтди. Фестивалда тарих фанлари доктори, профессор Абдухалил Маврулов, фалсафа фанлари доктори, профессор, Ўзбекистон Ёзувчилар уюшмаси аъзоси, таниқли шоира Сайёра Тўйчиева, Ўзбекистонда хизмат кўрсатган артист Гулбаҳор Эрқулова, эстрада хонандаси Бекзод Исхақов иштирок этишди. Фестиваль меҳмонлари ўзларининг маънавий ва маърифий чиқишлари билан тадбир иштирокчиларини хушнуд этишди. Мазкур фестиваль халқимиз орасида дўстлик, ўзаро ҳурмат, бағрикенглик ва бирдамлик ғояларини янада мустаҳкамлаш, миллий қадриятларимизни асраб-авайлаш ҳамда ёш авлод қалбида ватанпарварлик туйғуларини кучайтириш мақсадида ташкил этилди.