Bugun O'zbekiston Respublikasi Prezidentining So'x tumani Xalq qabulxonasida tuman hokimi birinchi o'rinbosari Ilhomjon Tojiboyev boshchiligida fuqarolar qabuli bo'lib o'tdi. Qabul davomida fuqarolar tomonidan turli masalalar bo'yicha murojaatlar bildirildi. Ularning yechimini ta'minlash maqsadida tegishli korxona, tashkilot va muassasalar mutasaddilari ishtirokida zarur chora-tadbirlar belgilandi. Shuningdek, tadbirkorlar bilan o'tkazilgan suhbatda tumanda turizmni rivojlantirishga qaratilgan amaliy ishlar muhokama qilinib, hududlarda dam olish maskanlari va turizm ob'ektlarini barpo etish yuzasidan loyihalar ko'rib chiqildi va ularni amalga oshirish bo'yicha takliflar bildirildi. Mazkur uchrashuvlar fuqarolar muammolarini joyida hal etish, tadbirkorlarni qo'llab-quvvatlash va hudud salohiyatidan unumli foydalanish maqsadida tashkil etildi. So'x tumani hokimligi Axborot xizmati