“Birdamlik” mahallasida aholi tomonidan kelib tushayotgan murojaatlar va ularning ijrosiga bag‘ishlangan ochiq muloqot bo‘lib o‘tdi. Tadbirda Farg‘ona tumani hokimi Xamidullo Inomov, tuman prokurori Oybek Toshpo‘latov, tuman Ichki ishlar bo‘limi boshlig‘i Jaxongir Hasanov, tuman hokimi o‘rinbosarlari, tuman korxona va tashkilot rahbarlari, “Avval”, “Birdamlik” va “Mozortagi” mahallalari aholisi ishtirok etdi. Muloqot davomida fuqarolar tomonidan jami 15 ta murojaat bildirildi. Ularning 3 tasi joyida ijobiy hal etildi, 3 tasiga huquqiy tushuntirishlar berildi. Qolgan 9 ta murojaat bo‘yicha mas‘ul tashkilotlarga o‘rganish va hal qilish uchun muayyan muddat belgilandi hamda ijrosi nazoratga olindi. Bunday ochiq muloqotlar aholining dolzarb muammolariga echim topish, davlat idoralari bilan bevosita muloqotni kuchaytirish va fuqarolarning huquqiy madaniyatini oshirishga xizmat qilmoqda.