Farg‘ona tumani Adliya bo‘limi tomonidan “Xodimlarning mehnat huquqlari kafolati” huquqiy aksiyasi doirasida navbatdagi targ‘ibot tadbiri o‘tkazildi. Mazkur tadbir tumandagi Tibbiyot birlashmasi xodimlariga mehnat qonunchiligi talablari yuzasidan tushuntirish ishlari olib borish maqsadida tashkil etildi. Tadbir davomida ishtirokchilarga mehnat qonunchiligi normalari, xodim va ish beruvchining huquq va majburiyatlari haqida batafsil ma‘lumotlar berildi. Shuningdek rahbarlarga, xodimlar bilan mehnat shartnomalarini qonuniy asosda rasmiylashtirish, ish haqi va boshqa to‘lovlarni o‘z vaqtida to‘lash, mehnat ta‘tilini belgilangan tartibda ta‘minlash kabi jihatlar alohida eslatib o‘tildi. Shuningdek, tadbirda mehnat huquqlarining buzilishi mas‘ul shaxslarga nisbatan javobgarlik choralarini keltirib chiqarishi mumkinligi alohida ta‘kidlandi.